Ang Barangay Caloocan, Talisay, Batangas ay hawi
sa salitang “look” pagkat ito ay isang lugar na nakahuyo o nakalook na
siyang dahilan kung bakit ang mga kahoy babad na dala ng baha sanhi ng malakas
na pag-ulan ay dito naiipon at ito ang dahilan kung bakit ito dinarayo ng
marami para dito mangahoy at mula noon, ang look ay ginawang “KALOOKAN”
na ang letrang “K” ay ginawang letrang “C” na siya ngayong ginawang padalahang
sulat.
Ang kabuuang kinalalagyan
nito sa gawing itaas ay ang mabeberdeng kagubatan na nasasakupan ng bayan ng
Talisay at magandang syudad ng Tagaytay. Sa gawing ibaba ay ang kaakit-akit na
Lawa ng Taal, sa dakong silangan ay ang Barangay Buco at sa kanluran ay ang
Barangay Leynes, Talisay, Batangas.
Ang barangay na ito ay
isang komunidad na punong-puno ng katangian, isang lugar na maipagmamalaki sa
kagandahan ng kapaligiran, sa kalinisan na siyang unang-unang pinatutupad at sa
kabaitan ng mga taong naninirahan dito na siyang dahilan para kawilihan ng
lahat ng mga dayuhan.
Ang mga pangunahing
ikinabubuhay at pinagkakakitaan dito ay ang pangingisda, pagtatanim ng
iba’t-ibang halaman at punong-kahoy na siyang ikinakalakal sa iba’t-ibang lugar
at kalapit rehiyon sa ating bansa.
Nagsimula ang barangay na ito sa isang
matatag na pagkakaisa noong taong 1938 sa pagtatalaga ng unang TENENTE DEL
BARRIO at dito nagsimula ang paghahalal at pagpapalit-palit ng mga umuugit ng
pamahalaang barangay.
Tags
History