PAANO MAG-SETUP NG DISBURSEMENT ACCOUNT ENROLLMENT MODULE ANG ISANG MEMBER SA SSS ONLINE?

HOW TO SETUP SSS DISBURSEMENT ACCOUNT ENROLLMENT MODULE ONLINE or DAEM ?

PARA SAAN BA ITO?

Ang DISBURSEMENT ACCOUNT ENROLLMENT MODULE ay para mabilis na maipadala ang makukuhang pera sa pamamagitan ng inyong BANK ACCOUNT, ito ay para sa loans, , funeral benefit, retirement benefit o pension, lumpsum, atbp. Upang hindi mo na kailangan magpunta sa office para i-update ang disbursement account dahil ito ay magagawa mo na sa online o sa MY.SSS online account.

Paano ito gumagana?

Mag-login sa My.SSS account
Pumunta sa Bank Enrollment section sa ilalim ng E-Services
Piliin ang channel (bank, e-wallet, UMID-ATM savings)
I-enroll ang iyong account at mag-upload ng supporting document (e.g. proof of account)
Hintayin ang approval ng SSS
Kapag na-approve na, doon ipapadala ang mga benepisyong ipe-process mo sa future

Paalala lang po sa lahat, bago gumawa ng DISBURSEMENT ACCOUNT ENROLLMENT sa SSS Online, dapat po ay alam natin ang mga bagay na sumusunod:

1.) Hindi closed account ang ilalagay nating bank information sa enrollment.

2.) Dapat sa mismong may account nakapangalan ang details ng bank account at hindi sa asawa, kamag-anak, kapatid, magulang o kung sino pa man.

3.) Kung matagal na hindi nagagamit ang bank account, mangyari na ito ay ipa-verify o ipa-validate muna bago ilagay sa disbursement account enrollment.

4.) Dapat ang account ay nasa peso account at hindi sa anumang ibang currencies.

5.) Hindi naka-frozen account

6.) Iwasan magkamali ng bank account number.

7.) Iwasan magkamali ng cellphone o mobile number.

8.) Huwag gamitin ang joint bank account.

9.) Hindi naka-Existing Account

10.) Huwag gumamit ng iba't ibang disbursing bank

11.) Hindi dapat naka-Prepaid account

12.) Huwag gamitin ang naka-time deposit account

13.) Iwasang gamitin ng dalawang beses ang bank account o cellphone number upang maiwasan ma-reject

PAG-SETUP NG DISBURSEMENT ACCOUNT ENROLLMENT MODULE

STEP 1. Pumunta sa https://www.sss.gov.ph/.

STEP 2. Mag-login sa inyong account.

STEP 3. Sa inyong Dashboard, piliin ang E-Services

STEP 4. Sa drop menu ng E-Services makikita ang Disbursement Account Enrollment Module. Piliin ito.

STEP 5. Dito sa part na ito kailangan natin lagyan ang mga kinakailangang mga inpormasyon.

1.) Select an enrollment option - Dito po ay pipili kung BANK ang gagamitin ninyo o E-wallet/RTC/CPO.

2.) PESONet Participant Name - Dito naman ay pipili kung ano pangalan ng banko o E-wallet/RTC/CPO. Tingnan ang listahan ng Participating Bank & E-Wallect/RTC/CPO.

3.) Disbursement Account Number - Dito ilalagay ang account number, iwasang magkamali, idouble check mabuti ang account na ilalagay.

4.) Confirm Disbursement Account Number - Dapat ay parehas ang nakalagay sa Disbursement Account Number.

5.) Attach Supporting Documents - Scan ng maliwanag ang mga dokumento at mag-upload sa kanya-kanyang kategorya na kinakailangang picture, Ito ay katulad ng Proof of Account, ID Card at Selfie na hawak ang dalawang dokumento. Upang hindi ma-invalid ang application kinakailangan po na nababasa ng verifier ang mga naka-upload na proof of supporting documents.

6.) Browse - Dito naman i-aattach ang dokumentong na-scan.

7.) Lagyan ng check kung AGREE.

8.) Pindutin ang ENROLL DISBURSEMENT ACCOUNT.

STEP 6. Pagkatapos mapindot ang Enroll Disbursement Account. Ito ay i-verify ng SSS o for validation. Makaka-receive kayo ng Email mula sa SSS kung ito ay approved o denied. Kung approved makikita ninyo ang inyong BANK ACCOUNT na active ang nakalagay.